呢排阿神好忙，冇時間寫長文，凈喺喺facebook寫status update。不過依家全球股市可能面對關鍵時刻，所以特別上黎提醒一下好友。

有加我facebook旣朋友都會知道呢幾日寫大陸股市準到無倫，原因喺港股同滬股呢排個主題都喺美滙走勢。美滙指數跌，股市就升；美滙指數升，股市就跌。早排美滙跌破下降軌而大瀉，所以D股市升到ba ba聲，今日佢升返到果條下降軌旣阻力位，唔知道會唔會突破。

大家要留意，一旦美滙指數向上突破，全球股市就會大瀉，其中英國股市（尤其喺果D已經喺海鮮價旣金融股）會喺新一個海嘯源頭。到時候主權貨幣要面對崩潰危機，金價就會飆升，美元升過一排之後就會長期下跌，永遠冇運行。全世界D錢黎o西香港炒H股，揸住港元/美元資產旣人唯有喊三聲，後悔第二波旣時候冇膽入股票或者買樓，以為現金為王，結果乸住D廢紙。

覺得阿神太夸張？我都覺得好夸張，但喺如果你有睇阿神上兩篇金股滙文旣話就會發現呢個睇法其實好有道理～

按：阿神睇長線咁耐以黎都冇走雞，不過短線就多數開option 2。隔咗一個鐘睇返呢篇文， 發覺美滙同股市中線回氣旣機會都好大。第二波照計冇咁快旣，等多陣添先啦。